Xalq deputatlari Parkent tumani Kengashiga 23-“Nomdanak” saylov okrugidan saylangan deputat, tuman hokimi Elmurod Po‘latov hamda tuman Kengashi raisi Faxritdin Dadamatov tomonidan tegishli mutasaddi rahbarlar ishtirokida tumanimizdagi og‘ir (tayanch) mahalla sifatida belgilangan “Gulbog'” mahallasida aholi bilan ochiq muloqot o‘tkazildi.Uchrashuv davomida mahallada aholi bandligini ta'minlash, yangi ish o‘rinlarini yaratish, tadbirkorlikni qo‘llab-quvvatlash, tomorqadan samarali foydalanish, kambag‘allikni qisqartirish hamda oilalar daromadini oshirishga qaratilgan ustuvor vazifalar muhokama qilinmoqda.Shuningdek, mahallani obodonlashtirish, ichki ko‘chalarni tartibga keltirish, ko‘kalamzorlashtirish, sanitariya holatini yaxshilash, ichimlik suvi, elektr ta'minoti va yo‘l infratuzilmasini yanada rivojlantirish bo‘yicha amalga oshirilayotgan ishlar ko‘rib chiqilmoqda.Muloqot davomida fuqarolar tomonidan bildirilayotgan taklif va murojaatlar atroflicha o‘rganilib, ularni tizimli hal etish yuzasidan mutasaddi rahbarlarga aniq vazifalar yuklatilmoqda.Bu kabi ochiq muloqotlar mahalliy ijro va vakillik organlarining o‘zaro hamkorligi, aholi bilan bevosita va ochiq muloqot olib borish, fuqarolar murojaatlarini joyida o‘rganish hamda ularni amaliy natija bilan ta’minlash borasidagi ishlarning muhim yo‘nalishlaridan biri bo‘ldi.Bu esa tuman hokimligi va xalq deputatlari Kengashi o‘rtasidagi hamkorlikni yanada mustahkamlash, aholi manfaatlarini ta’minlash hamda hududlarni kompleks rivojlantirishga xizmat qilmoqda.Mahallalarda aholi bilan ochiq muloqot qilish, mavjud muammolarni joyida o‘rganish va ularning yechimini ta'minlash Parkent tumanida izchil davom ettirilmoqda.