#19_1_modda
#Doimiy_komissiya_faoliyati

Yig‘ilish davomida tumandagi kriminogen vaziyat atroflicha muhokama qilindi. Tahlillarga ko‘ra, oldi olinishi mumkin bo‘lgan jinoyatlar umumiy hisobda 18,3 foizga kamaygan bo‘lsa-da, qotillik, nomusga tegish, og‘ir tan jarohati yetkazish, o‘g‘rilik, firibgarlik, oilaviy zo‘ravonlik hamda yo‘l-transport hodisalari bilan bog‘liq ayrim turdagi jinoyatlar sonida o‘sish kuzatilgani qayd etildi.

Shuningdek, jinoyatlarni shaxslar kesimida tahlil qilish natijasida voyaga yetmaganlar, yoshlar, muqaddam sudlangan shaxslar hamda mast holatda jinoyat sodir etgan shaxslar ulushining oshgani ta'kidlandi.

Muhokamalar davomida mazkur holatlarning asosiy sabablari sifatida yoshlar bandligini ta'minlashdagi kamchiliklar, ularning bo‘sh vaqtini mazmunli tashkil etish darajasining yetarli emasligi, oilalardagi tarbiyaviy muammolar, shuningdek, internet tarmog‘i orqali sodir etilayotgan firibgarlik va kiberjinoyatlarning ko‘payib borayotgani alohida qayd etildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|