ИНТЕНСИВ БОҒДОРЧИЛИК — ОЗИҚ-ОВҚАТ ХАВФСИЗЛИГИ ВА ЭКСПОРТ САЛОҲИЯТИНИ ОШИРИШ ОМИЛИ
Ўзбекистон Республикаси Президентининг 2026 йил 9 июндаги ПФ–108-сонли Фармонига мувофиқ, мамлакатимизда 2026–2028 йилларда замонавий саноатлашган интенсив боғларни босқичма-босқич барпо этиш, ер ресурсларидан самарали фойдаланиш, юқори ҳосилдор навларни жорий этиш ҳамда мева-сабзавот маҳсулотлари экспортини кенгайтириш бўйича муҳим вазифалар белгиланган.
Мазкур Фармон ижросини таъминлаш мақсадида бугун «Тўйчи Неъматов Бекобод» агрофирмаси ҳудудида туман ҳокими, Халқ депутатлари Янгиқўрғон тумани Кенгаши депутати А. Нажмиддинов бошчилигида фермер хўжаликлари раҳбарлари иштирокида йиғилиш ўтказилди.
Йиғилишда ер ресурсларидан самарали ва оқилона фойдаланиш, интенсив боғдорчиликни янада ривожлантириш, янги саноатлашган интенсив боғлар барпо этишнинг афзалликлари ҳамда лойиҳаларни амалга ошириш механизмлари юзасидан атрофлича тушунтиришлар берилди.
Шунингдек, Агросаноатни ривожлантириш агентлигининг Янгиқўрғон тумани бўйича бош мутахассиси А. Мавлонов томонидан интенсив боғлар ташкил этилиши режалаштирилган ҳудудлар ҳақида маълумот берилди ҳамда келгусида амалга ошириладиган ишлар ва устувор вазифалар белгилаб олинди.
✅ Янги интенсив боғларнинг барпо этилиши аҳоли бандлигини таъминлаш, ички бозорни сифатли маҳсулотлар билан тўлдириш ва ҳудуднинг экспорт салоҳиятини янада оширишга хизмат қилади.