Xalq deputatlari Shovot tumani Kengashining 8-Shovot saylov okrugidan saylangan deputati Yusupova Feruza Shuxratovna, Shovot tumani Kengashi kotibiyatining bosh mutaxassisi D. Abdrimova hamda O‘zbekiston XDP Shovot tuman Kengashi raisi O. Akimova tomonidan O‘zbekiston Respublikasining 2013-yil 22-apreldagi “Fuqarolarning o‘zini o‘zi boshqarish organlari to‘g‘risida”gi O‘RQ-350-sonli Qonuni ijrosi yuzasidan o‘rganish ishlari olib borildi.
O‘rganish davomida mahalla fuqarolar yig‘inlari faoliyatini qonunchilik talablari asosida tashkil etish, fuqarolarning o‘zini o‘zi boshqarish organlariga yuklatilgan vakolat va vazifalarning ijrosi, aholi bilan ishlash samaradorligi hamda fuqarolar murojaatlarini ko‘rib chiqish amaliyoti atroflicha tahlil qilindi.
Shuningdek, qonun talablarining amaliy ijrosini yanada takomillashtirish, mahalla fuqarolar yig‘inlari faoliyati samaradorligini oshirish, aniqlangan kamchiliklarni bartaraf etish hamda mavjud muammolarni hal etish yuzasidan tegishli tavsiya va takliflar bildirildi.
Qonunlar ijrosi ustidan deputatlik nazoratini amalga oshirish, hududlarda qonunchilik talablarining to‘liq va samarali bajarilishini ta'minlash, shuningdek, fuqarolarning qonuniy huquq va manfaatlarini himoya qilish deputatlik faoliyatining ustuvor yo‘nalishlaridan biri hisoblanadi.