Tashrif davomida mahalla yettiligi, profilaktika inspektori hamda mas'ul tashkilotlar vakillari bilan uchrashilib, hududdagi kriminogen vaziyat, profilaktik tadbirlar natijalari va mavjud muammolar muhokama qilindi.

 O‘rganish jarayonida probatsiya nazoratida turgan fuqarolar bilan olib borilayotgan ishlarga, xorijda mehnat faoliyatini olib borayotgan fuqarolar bilan tizimli muloqotni yo‘lga qo‘yish, ularning oila a'zolari bilan ishlash hamda ijtimoiy muammolarini bartaraf etish masalalariga alohida e'tibor qaratildi.

Shuningdek, mahallada xavfsiz muhitni mustahkamlash, videokuzatuv tizimlarini kengaytirish, kiberjinoyatchilik va giyohvandlikning oldini olish, yoshlar o‘rtasida huquqbuzarliklarning profilaktikasini kuchaytirish hamda fuqarolarning huquqiy madaniyatini yuksaltirish yuzasidan taklif va tavsiyalar bildirildi.

Deputat tomonidan aniqlangan masalalar yuzasidan tegishli mutasaddi tashkilotlar bilan hamkorlikni kuchaytirish, zarur hollarda deputatlik so‘rovlari kiritish hamda belgilangan vazifalar ijrosini deputatlik nazoratiga olish ta'kidlandi.

Mahallalarda tinch va xavfsiz muhitni ta'minlash, jinoyatchilikni barvaqt oldini olish hamda huquqbuzarliklar profilaktikasini kuchaytirish deputatlik faoliyatining ustuvor yo‘nalishlaridan biri bo‘lib, bu boradagi ishlar izchil davom ettirilmoqda.