Xalq deputatlari Parkent tumani Kengashi deputati, Korrupsiyaga qarshi kurashish va xavfsizlik masalalari bo‘yicha doimiy komissiya raisi Salimboyev Xasan Dilmurodovich tomonidan “Quyosh” mahallasida deputatlik nazorati doirasida o‘rganish ishlari olib borildi.O‘rganish davomida mahalla yoshlar yetakchisi Narimonov Elmarbekning faoliyati, xususan, “Yoshlar daftari”ga kiritilgan yoshlarni qo‘llab-quvvatlash, ularning bandligini ta’minlash hamda ijtimoiy muammolarini hal etish bo‘yicha amalga oshirilayotgan ishlar tahlil qilindi.Ma’lum qilinishicha, joriy yil boshidan buyon 4 nafar yoshning bandligi ta’minlangan. Shuningdek, uyushmagan yoshlarni “Besh tashabbus” doirasidagi sport musobaqalariga keng jalb etish natijasida 1 nafar yosh respublika bosqichiga yo‘llanmani qo‘lga kiritgan. Bundan tashqari, o‘rganishlar davomida 3 nafar yoshni kasb-hunarga o‘qitishga yo‘naltirish bo‘yicha tegishli yo‘llanmalar berilgani qayd etildi.O‘rganish yakunida yoshlar bilan ishlash samaradorligini yanada oshirish, ularning bandligini ta’minlash va bo‘sh vaqtini mazmunli tashkil etish yuzasidan tegishli tavsiyalar berildi.