Piskent tumanida mahalla xotin-qizlar
faollari tomonidan amalga oshirilayotgan ishlar samaradorligini o‘rganish
maqsadida monitoring tadbirlari davom etmoqda.

9-Birlik saylov okrugi deputati, Ekologiya
partiyasi guruhi a’zosi Sh.Fayziyevaning hududiga qarashli "Birlik"
mahalla fuqarolar yig‘inida tuman Kengashi kotibiyati bosh mutaxassisi
L.Iskandarov tomonidan o‘rganish o‘tkazildi.

O‘rganish natijalariga ko‘ra, mahallada
quyidagi ijobiy ishlar amalga oshirilgan:

🔹 “Ayollar daftari”: Hududdagi
154 nafar xotin-qiz ijtimoiy himoyaga muhtoj sifatida ro‘yxatga olinib, ularga
manzilli yordam ko‘rsatilmoqda. 🔹 Bandlik: 22 nafar
xotin-qizning bandligi ta’minlandi. 🔹 Tadbirkorlik: 4 nafar ayolga
o‘z tadbirkorlik faoliyatini boshlashi uchun jami 91 million so‘m miqdorida
imtiyozli kreditlar ajratildi. 🔹 Ta’lim: Vazirlar Mahkamasining 402-sonli
qaroriga asosan, oliy ta’limga kirish istagida bo‘lgan xotin-qizlarga ko‘mak
berildi. 🔹 Salomatlik: 60 nafar xotin-qiz tibbiy
ko‘rikdan o‘tkazildi. 🔹 Huquqiy yordam: 7 nafar fuqaroga tuman
adliya bo‘limi tomonidan zarur huquqiy maslahatlar berildi.

Mazkur yo‘nalishdagi ishlar tizimli
ravishda nazoratga olingan.

Telegram(http://t.me/PiskentTumaniKotibiyati)

Facebook(https://www.facebook.com/share/1B4wErcYvP/

Instagram(https://www.instagram.com/piskent_tuman_kengashi?igsh=MXY1ZzNjYXhweG1oZw