Shu munosabat bilan Xalq deputatlari Termiz shahar Kengashining 7-“Bog‘ishamol” saylov okrugidan saylangan deputati Sh.Allamurodova ishtirokida “Bog‘ishamol” mahallasida “Mahalliy Kengash deputati faoliyatining eng muhim 24 ta yo‘nalishi” doirasida navbatdagi amaliy o‘rganish ishlari tashkil etildi.

💬O‘rganish davomida mahallada faoliyat yuritayotgan hokim yordamchisi, xotin-qizlar faoli hamda mahalla ijtimoiy xodimining ish samaradorligi atroflicha tahlil qilinib, aholi bilan ishlash tizimi, davlat dasturlari ijrosi va ko‘rsatilayotgan xizmatlar sifati yuzasidan muhokamalar o‘tkazildi.

💬Xususan, quyidagi yo‘nalishlarga alohida e’tibor qaratildi:

🟢Hokim yordamchisi tomonidan aholi bandligini ta’minlash, tadbirkorlikni rivojlantirish va kambag‘allikni qisqartirish bo‘yicha amalga oshirilayotgan ishlar samaradorligi;

🟢Xotin-qizlar faolining xotin-qizlarni ijtimoiy qo‘llab-quvvatlash, ularning bandligini ta’minlash, oilalarda sog‘lom ma’naviy muhitni mustahkamlash hamda muammolarni manzilli hal etish borasidagi faoliyati;

🟢Mahalla soliq inspektori tomonidan soliq intizomini mustahkamlash, soliq bazasini kengaytirish, norasmiy bandlikni qisqartirish va soliq qonunchiligi talablari ijrosini ta’minlash yuzasidan amalga oshirilayotgan ishlar.

💬Shuningdek, uchrashuv ishtirokchilariga PF–116-son Farmon hamda KQ–360-V-son qarorning mazmun-mohiyati yuzasidan batafsil tushuntirishlar berildi. Yangi huquqiy hujjatlarda mahalla tizimidagi mas’ul xodimlarning vakolatlari, aholi murojaatlari bilan ishlash samaradorligini oshirish, davlat organlari va mahalla o‘rtasidagi hamkorlikni kuchaytirish, shuningdek, mahalliy Kengashlarning nazorat vakolatlarini yanada takomillashtirishga qaratilgan ustuvor vazifalar alohida ta’kidlandi.

💬O‘rganish yakunida aniqlangan masalalar yuzasidan mas’ullarga amaliy tavsiyalar berildi hamda mahalla "yettiligi" faoliyatini qonunchilik talablari asosida yanada takomillashtirish, aholi bilan ishlash sifatini oshirish va mavjud muammolarni tizimli hal etish bo‘yicha tegishli vazifalar belgilab olindi.

🫥Joylardagi amaliy o‘rganishlar deputatlik nazoratini kuchaytirish, qonunlar ijrosini ta’minlash va aholi muammolarini o‘z vaqtida hal etishga xizmat qiladi.