DOIMIY KOMISSIYA YIG‘ILISHI: JINOYATCHILIKNING OLDINI OLISH VA HUQUQBUZARLIKLAR PROFILAKTIKASI MUHOKAMA QILINDI

Xalq deputatlari Namangan shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishida Namangan shahar Ichki ishlar boshqarmasining 

2026-yilning 9 oyi davomida amalga oshirgan ishlari hamda jinoyatchilik va huquqbuzarliklarning oldini olish borasidagi faoliyati muhokama qilindi.

Hisobotga ko‘ra, 2026-yilning 9 oyida shaharda 772 ta jinoyat qayd etilgan. Shu bilan birga, o‘g‘rilik jinoyatlari 10,2 foizga, bezorilik 

21,1 foizga, oilaviy-maishiy zo‘ravonlik bilan bog‘liq jinoyatlar esa 

50 foizga kamaygan. Yoshlar tomonidan sodir etilgan jinoyatlar sonida ham pasayish kuzatilgan.

Muhokama davomida jinoyatchilikning oldini olish, huquqbuzarliklarni barvaqt aniqlash, aholining huquqiy madaniyatini oshirish hamda mahallalarda xavfsiz muhitni mustahkamlash masalalariga alohida e’tibor qaratildi. Shu bilan birga, ayrim turdagi jinoyatlar soni ortgani qayd etilib, ularning sabablarini chuqur o‘rganish va profilaktik choralarni kuchaytirish zarurligi ta’kidlandi.

Doimiy komissiya tomonidan deputatlik nazorati doirasida belgilangan vazifalar ijrosini ta’minlash, mas’ul tashkilotlar faoliyati samaradorligini oshirish hamda jinoyatchilikning oldini olish bo‘yicha amalga oshirilayotgan ishlar yuzasidan tizimli nazorat olib borish muhimligi qayd etildi.

Huquqiy asos: O‘zbekiston Respublikasining 2014-yil 14-maydagi O‘RQ-371-sonli “Huquqbuzarliklar profilaktikasi to‘g‘risida”gi Qonuni.