Xalq deputatlari Qo‘qon shahar Kengashi kotibiyati mudiri A.Nosirov viloyat Kengashi deputati N.Elchiyeva bilan birgalikda O‘zbekiston Respublikasi Prezidentining 2026-yil 5-fevraldagi PQ-48-sonli qarori ijrosi yuzasidan o‘rganish ishlarini olib bordi.

O‘rganish davomida “Rayhon” mahalla fuqarolar yig‘inida (MFY) qurilishi rejalashtirilgan bolalar maydonchasi bilan bog‘liq ishlar holati ko‘zdan kechirildi. Mazkur obyekt mahallada bolalarning bo‘sh vaqtini mazmunli tashkil etish, ularning ochiq havoda faol dam olishi hamda yosh avlod uchun qulay sharoitlar yaratishda muhim ahamiyat kasb etadi.

O‘rganish jarayonida bolalar maydonchasi qurilishi belgilangan muddatlardan ortda qolayotgani aniqlandi. Bu holat yuzasidan mas’ullarga tegishli ko‘rsatmalar berilib, qurilish ishlarini jadallashtirish, belgilangan vazifalarni o‘z vaqtida bajarish hamda amalga oshirilayotgan ishlarning sifatiga alohida e’tibor qaratish zarurligi ta’kidlandi.

️Shuningdek, obyekt qurilishining borishini nazorat qilish, mavjud kamchiliklarni bartaraf etish va ishlarni belgilangan talablar asosida tashkil etish muhimligi qayd etildi. Mazkur masala yuzasidan mas’ul tashkilotlar tomonidan tegishli choralar ko‘rilishi lozimligi bildirildi.

Hududlarda amalga oshirilayotgan qurilish va obodonlashtirish ishlarini doimiy o‘rganib borish, belgilangan vazifalar ijrosini nazorat qilish hamda aholi, ayniqsa, bolalar uchun munosib sharoitlar yaratish e’tibor markazida.

Xalq deputatlari Qo‘qon shahar Kengashi