Qo‘qon shahar "Davronbek" mahalla fuqarolar yig‘inida xotin-qizlar faoli S.Maxmudova hamda Xalq deputatlari Qo‘qon shahar Kengashi deputati N.Shomatov ishtirokida mahalla hududida istiqomat qiluvchi fuqarolar bilan navbatdagi targ‘ibot va profilaktik suhbatlar o‘tkazildi.

Xususan, Shohruxobod ko‘chasi 47/15-uyda yashovchi fuqaro Z.G‘ayibnazarova bilan yakka tartibda suhbat tashkil etilib, oilalarda sog‘lom ijtimoiy-ma’naviy muhitni shakllantirish, xotin-qizlarning huquqiy ongi va madaniyatini yuksaltirish masalalari muhokama qilindi.

Shuningdek, milliy qadriyatlarni asrab-avaylash, milliy liboslarni keng targ‘ib etish, kiyinish madaniyatiga rioya qilish hamda jamoat joylarida odob-axloq me’yorlariga mos kiyinish madaniyatini shakllantirish masalalariga alohida e’tibor qaratildi.

Suhbat jarayonida O‘zbekiston Respublikasi Prezidentining 2026-yil 3-martdagi PF–33-sonli "Ayollar va bolalar huquqlarini himoya qilish, ularga nisbatan tazyiq va zo‘ravonlik holatlarining oldini olish tizimini takomillashtirish chora-tadbirlari to‘g‘risida"gi Farmonining mazmun-mohiyati batafsil tushuntirildi.

Fuqaroga ayollar va bolalarning qonuniy huquq va manfaatlarini himoya qilish, tazyiq va zo‘ravonlikning oldini olish bo‘yicha davlat tomonidan yaratilgan huquqiy mexanizmlar, mavjud himoya choralari hamda zarurat tug‘ilganda murojaat qilish tartibi yuzasidan batafsil tushuntirishlar berildi.

Xalq deputatlari Qo‘qon shahar Kengashi