Xalq deputatlari Termiz shahar Kengashi raisi D.Normuradova hamda Kengash kotibiyati bosh mutaxassisi A.Temirovlar shahar Kengashining 22-“Majnuntol” saylov okrugi deputati J.Xamroqulovning okrugiga qarashli “Majnuntol” mahallasida bo‘ldilar va mahalla faollari bilan kengaytirilgan uchrashuv o‘tkazdilar.

💬Yig‘ilishda dastlab O‘zbekiston Respublikasi Prezidentining 2026-yil 24-iyundagi PF–116-sonli “Mahalla boshqaruvini samarali tashkil etishga oid qo‘shimcha chora-tadbirlar to‘g‘risida”gi Farmoni ijrosini mahalla miqyosida samarali ta’minlash choralari muhokama qilindi.

💬"Mahalla yettiligi" a’zolarining o‘zaro integratsiyasini kuchaytirish, aholi muammolarini "xonadonbay" aniqlash va ularni qisqa muddatlarda tizimli bartaraf etish bo‘yicha yangi boshqaruv mexanizmlari tahlil qilindi.

💬Shundan so‘ng, O‘zbekiston Respublikasi Oliy Majlisi Senati tomonidan belgilangan “Mahalliy Kengash deputati faoliyatining eng muhim 24 ta yo‘nalishi” mezonlari doirasida deputat J.Xamroqulovning hududda amalga oshirayotgan ishlari ko‘rib chiqildi.

💬Murojaat daftari ko‘zdan kechirildi: Deputatning shaxsiy murojaat daftari yuritilishi holati sinchkovlik bilan tahlil qilindi. Unda qayd etilgan aholi murojaatlari, ularning ijro holati hamda mas’ul idoralarga yuborilgan deputatlik so‘rovlarining natijadorligi tahliliy o‘rganildi.

💬"Prezidentimizning PF-116-sonli Farmoni mahalla faoliyatini butunlay yangi sifat bosqichiga olib chiqdi. Deputat J.Xamroqulovning 'murojaat daftari'dagi har bir yozuv ortida inson taqdiri turibdi. Bizning maqsadimiz — mahalla faollari bilan birgalikda har bir muammoni joyida aniqlab, qonuniy va tezkor yechim topishdir," — deya ta'kidladi Kengash raisi.

🫥O‘rganishlar yakunida mahalla xodimlari va deputat o‘rtasidagi kundalik hamkorlikni yanada kuchaytirish, aniqlangan kamchiliklarni bartaraf etish hamda aholi murojaatlari bo‘yicha tezkor choralarni ko‘rish yuzasidan aniq tavsiyalar berildi.