Kengashning 13 – 17-iyul kunlari uchun mo‘ljallangan haftalik ish rejasiga muvofiq deputat G‘.I. Abdullayev tomonidan “5-Pirtak” saylov okrugidagi “Boboshbek” mahallasida Kengash kotibiyati xodimlari bilan hamkorlikda mahallaning raisi bilan uchrashuv va (24-tavsiya) o‘rganishlar olib borildi.

Ushbu o‘rganish jarayonlarida xalq deputatlari Uchko‘prik tumani Kengashi kotibiyati xodimlari S.Nabiyev va S.Meliqo‘ziyevlar deputat G‘.I. Abdullayevning “5-Pirtak” saylov okrugidagi “Boboshbek” mahallasining raisi SH.Odilov tomonidan joriy yilning o‘tgan davrida amalga oshirilgan ishlari sarhisobi ko‘zdan kechirildi.
Bunda quyidagilarga e’tibor qaratildi:
-mahallaning “mahalla yettiligi” a’zolari faoliyati;
-mahallada belgilangan loyihalar hamda mahallani ijtimoiy-iqtisodiy rivojlantirish dasturlari doirasida olib borilayotgan ishlar ijro holati;
-murojaatlar bilan ishlash holati (har bir xonadonga kirib, aholining muammolari, taklif va shikoyatlarini tizimli ravishda o‘rganish va hal etishda ko‘rilgan choralar).

So‘ngra o‘rganish yakunida “Boboshbek” mahallasining raisiga yuqoridagi masalalar yuzasidan ushbu sohaga doir Qonun va qonunosti hamda Prezident hujjatlari va topshiriqlarining mazmun mohiyati bo‘yicha tegishli tavsiyalar bildirib o‘tildi.

Xalq deputatlari Uchko‘prik tumani Kengashi