Prezidentimiz Shavkat Mirziyoyevning Toshkent viloyatining Bekobod shahriga tashrifi doirasida O‘zbekiston metallurgiya kombinatida amalga oshirilayotgan ishlar va istiqbolli investitsiya loyihalari bilan tanishishi mamlakatimiz sanoatini yanada yuksaltirishga qaratilgan izchil islohotlarning amaliy ifodasidir.
🔹Metallurgiya tarmog‘ini modernizatsiya qilish, yuqori qo‘shilgan qiymatga ega mahsulotlar ishlab chiqarishni kengaytirish, yangi texnologiyalarni joriy etish va eksport salohiyatini oshirish bo‘yicha belgilanayotgan vazifalar iqtisodiyotimiz barqarorligiga mustahkam zamin yaratadi. Bu jarayon, ayniqsa, yangi ish o‘rinlarini tashkil etish, mahalliy sanoat kooperatsiyasini rivojlantirish va aholi bandligini ta’minlashda muhim ahamiyat kasb etadi.
🔹Xalq deputatlari Jondor tumani Kengashi deputati sifatida bunday yirik sanoat loyihalarining amalga oshirilishi hududlarda ham ishlab chiqarishni rivojlantirish, investitsiyalarni jalb qilish va tadbirkorlikni qo‘llab-quvvatlash bo‘yicha olib borilayotgan ishlarga kuchli turtki berishini alohida ta’kidlayman. Prezidentimiz rahbarligida amalga oshirilayotgan sanoat siyosati mamlakatimiz iqtisodiy qudratini yanada mustahkamlab, aholi farovonligini yuksaltirishga xizmat qilishiga ishonchim komil.