Shirin shahar hokimi Dilfuza Kambarova hamda Xalq deputatlari Shirin shahar Kengashi raisi Umidjon Haydarov shahar hududida olib borilayotgan obodonlashtirish va ko‘kalamzorlashtirish ishlari bilan yaqindan tanishdi.

O‘rganish davomida hududlarda amalga oshirilayotgan bunyodkorlik ishlari, ko‘chalar, xiyobonlar va jamoat joylarini obod saqlash, yashil hududlarni kengaytirish hamda sanitariya holatini yanada yaxshilash bo‘yicha olib borilayotgan ishlar ko‘zdan kechirildi.

Mas’ullar bilan birgalikda mavjud holat tahlil qilinib, aniqlangan kamchiliklarni bartaraf etish, obodonlashtirish ishlarini belgilangan muddatlarda va sifatli amalga oshirish yuzasidan tegishli topshiriq hamda tavsiyalar berildi.

Shahrimizning yanada obod, ozoda va zamonaviy qiyofa kasb etishi yo‘lida amalga oshirilayotgan bunday ishlar aholi uchun qulay va farovon muhit yaratishga xizmat qiladi.