Deputat so‘rovi yuborildi

📌Bulung‘ur tumanidagi 12-Bulung‘ur saylov okrugi hududida olib borilgan o‘rganishlar natijasida ijtimoiy obyektlar holati tahlil qilinib, mavjud muammolar yuzasidan Samarqand viloyati Maktabgacha va maktab ta’limi boshqarmasi boshlig'iga 123-ds-383-26-sonli deputat so‘rovi yuborildi.

⚡️Unda “Bog‘bon” mahallasi hududidagi “Bot-Bot” aholi yashash maskanida joylashgan 19-sonli umumta’lim maktabi binosining texnik holati, xususan ichki elektr tarmoqlarining eskirgani va bu holat o‘quvchilar hamda pedagoglar xavfsizligiga jiddiy xavf tug‘dirayotgani alohida qayd etildi.

✅Mazkur maktabni kuz-qish mavsumiga puxta tayyorlash, ichki elektr tarmoqlarini zamonaviy xavfsizlik talablariga mos ravishda yangilash hamda eskirgan elektr kabellarini to‘liq almashtirish bo‘yicha amaliy choralar ko‘rish yuzasidan tegishli takliflar ilgari surildi.

👍Ta’lim muassasalarida xavfsiz va munosib sharoit yaratish masalasi doimiy e’tiborda.