Deputat Javlon mahallasida saylovchilar bilan uchrashuv o‘tkazdi

👍Xalq deputatlari Samarqand viloyati Kengashiga 28-Kattaqo‘rg‘on saylov okrugidan saylangan deputat Sherali Yuldashev Kattaqo‘rg‘on tumanidagi Javlon mahallasida saylovchilarga axborot berdi.

👍Uchrashuvda 2026-yil uchun belgilangan ustuvor vazifalar ijrosi muhokama qilinib, aholi tomonidan ko‘tarilgan yo‘l, elektr ta’minoti, ichimlik suvi kabi dolzarb kommunal masalalar tinglandi. Ayrim murojaatlar joyida hal etildi, murakkab masalalar bo‘yicha esa tegishli tashkilotlarga deputatlik so‘rovlari yuborilishi belgilandi.

➕Mahallada yashovchi kam ta’minlangan oilalarning ijtimoiy-iqtisodiy holati, ayniqsa, uy-joyini ta’mirlashga muhtoj xonadonlarning muammolarini bosqichma-bosqich hal etish bo‘yicha aniq chora-tadbirlar belgilab olindi.

⚡️Uchrashuv davomida Prezident Murojaatnomasida belgilangan ustuvor yo‘nalishlar ya’ni kambag‘allikni qisqartirish, yangi ish o‘rinlari yaratish, ijtimoiy himoyani kuchaytirish va mahallalar infratuzilmasini rivojlantirish masalalariga ham alohida e’tibor qaratildi.

⚡️Fuqarolarning bandlik va ijtimoiy yordamga oid murojaatlari ham diqqat bilan tinglanib, ularni hal etish yuzasidan mas’ul idoralar bilan hamkorlikda ish olib borilishi ma’lum qilindi.