Fuqarolar murojaatlari o‘rganildi.

Xalq deputatlari Furqat tumani Kengashi raisi R.Meliqo‘ziev, 16-Qo‘qonboy saylov okrugidan saylangan deputat N.Olimov hamda Xalq deputatlari Furqat tumani Kengashi huzuridagi ekspert guruhi a’zosi T.Yuldashevlar tomonidan “Qo‘qonboy” mahalla fuqarolar yig‘inida navbatdagi sayyor qabul o‘tkazildi.

Sayyor qabul davomida fuqarolar tomonidan ichki yo‘llarni ta’mirlash, ichimlik suvi, elektr ta’minoti, obodonlashtirish, bandlik va boshqa ijtimoiy masalalar yuzasidan murojaatlar bildirildi.

Har bir murojaat atroflicha o‘rganilib, ularni qonuniy hal etish yuzasidan tegishli tashkilot va idoralarga deputatlik so‘rovlari yuborildi hamda masalalar ijrosi deputatlik nazoratiga olindi.

Bunday uchrashuvlar aholini qiynab kelayotgan muammolarni o‘z vaqtida aniqlash, ularni bartaraf etish va fuqarolar manfaatlarini himoya qilishda muhim ahamiyat kasb etmoqda.