Endilikda aholi muammolarini o‘rganish va hal qilish jarayoni yagona savolnoma va “Raqamli mahalla” platformasi orqali yagona elektron tizimga birlashtiriladi.

💬 Qaror bilan joriy etilayotgan asosiy yangiliklar:

🟢“Mahalla yettiligi” faoliyati yanada kuchaytirildi

:
Endilikda mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektoridan iborat jamoa hamkorlikda aholi muammolarini tizimli ravishda o‘rganadi va hal etadi.

🟢Yagona savolnoma joriy etildi:
Xonadonma-xonadon yurish (uybay o‘rganish) jarayonida fuqarolarning barcha ijtimoiy, iqtisodiy va maishiy muammolari yagona standart asosidagi savolnoma orqali aniqlanadi. Bu esa ortiqcha qog‘ozbozlikka chek qo‘yadi.

🟢“Raqamli mahalla” platformasi orqali monitoring:
O‘rganish natijasida aniqlangan barcha muammolar raqamlashtirilib, elektron tizimga kiritiladi. Muammoning turiga qarab, u hal etish uchun mas’ul tashkilotlarga avtomatik tarzda yo‘naltiriladi.

🟢Muammolarni tezkor hal etish mexanizmi:
Murojaat va masalalar elektron tizim orqali nazorat qilinadi. Mas’ul idora va tashkilotlar tomonidan muammoni hal etish bo‘yicha ko‘rilgan choralar hamda muddatlar tizimda onlayn aks etib turadi.

📌Yangi tizimdan ko‘zlangan asosiy maqsad:
▶️Aholi muammolarini dastlabki bosqichda — erta aniqlash;
▶️Davlat idoralari va mahalla o‘rtasidagi hamkorlik ko‘priklarini mustahkamlash;
▶️Ijtimoiy himoya va davlat xizmatlari ko‘rsatish samaradorligini oshirish.

🫥Natijada, mahallalarda har bir fuqaro bilan individual (manzilli) ishlash tizimi yo‘lga qo‘yilib, bu aholi turmush darajasini tubdan yaxshilashga xizmat qiladi.