📌 SAYLOVCHILAR BILAN UCHRASHUV O‘TKAZILDI

👥 Xalq deputatlari Sherobod tumani Kengashining 13-Qo‘shtegirmon saylov okrugi deputati N. Saidova tomonidan “Qo‘rg‘on” mahallasida saylovchilar bilan individual uchrashuv o‘tkazildi.

🗣 Uchrashuv davomida fuqarolarning murojaatlari, taklif va mulohazalari tinglanib, ularni qiynayotgan masalalar yuzasidan fikr almashildi. Shuningdek, ko‘tarilgan masalalarni hal etish bo‘yicha tegishli tavsiyalar berildi.

🌱 Tadbir davomida O‘zbekiston Respublikasining 2016-yil 26-dekabrdagi “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘RQ–415-son Qonunining mazmun-mohiyati yuzasidan targ‘ibot ishlari olib borildi. Qonunda belgilangan ijtimoiy xizmatlar, ehtiyojmand aholi qatlamlarini qo‘llab-quvvatlash mexanizmlari hamda fuqarolarning ushbu yo‘nalishdagi huquqlari haqida batafsil ma’lumotlar berildi.

✅ Uchrashuv yakunida saylovchilar tomonidan bildirilgan taklif va murojaatlar deputatlik nazoratiga olinib, ularning ijrosini ta’minlash yuzasidan tegishli choralar ko‘rilishi belgilandi.