Xalq deputatlari Chilonzor tumani Kengashi deputati Kim Marina Melisovna tomonidan 18-Guliston saylov okrugi Guliston mahalasi hududida joylashgan bolalar maydonchasining holati yuzasidan tegishli mas’ul tashkilotlarga deputatlik so‘rovi yuborildi.

✔️Mazkur so‘rov saylovchilar tomonidan bildirilgan murojaatlar hamda deputat tomonidan o‘tkazilgan o‘rganishlar natijasida tayyorlandi.

❗️O‘rganish davomida bolalar maydonchasida o‘rnatilishi belgilangan sport inventarlari va jihozlari to‘liq o‘rnatilmagani, ayrim qurilish-montaj ishlari yakunlanmagani hamda maydonchadagi ba’zi elementlar bolalarning xavfsiz foydalanishiga to‘sqinlik qilayotgani aniqlandi.


📍Shu munosabat bilan deputat tomonidan mas’ul tashkilotlardan:

🔹 bolalar maydonchasida o‘rnatilishi lozim bo‘lgan sport inventarlari va jihozlarini to‘liq o‘rnatish;

🔹 tugallanmagan qurilish-montaj ishlarini yakunlash;

🔹 bolalar xavfsizligiga tahdid solayotgan kamchiliklarni bartaraf etish;

🔹 maydoncha hududiga zamonaviy rezina qoplama o‘rnatish imkoniyatini ko‘rib chiqish;

🔹 obyektni amaldagi xavfsizlik va sanitariya talablariga to‘liq muvofiq holatga keltirish bo‘yicha zarur choralarni ko‘rish;

hamda mazkur obyekt bo‘yicha bajarilishi lozim bo‘lgan ishlar ro‘yxati, ularni amalga oshirish muddatlari, ishlarning bugungi kundagi holati, kechikish sabablari hamda mavjud kamchiliklarni bartaraf etish yuzasidan aniq chora-tadbirlar haqida batafsil ma’lumot taqdim etilishi so‘raldi.