Sessiya davomida yoshlarning yozgi ta’til davridagi bo‘sh vaqtini mazmunli tashkil etish, ularni sport, madaniyat, san’at, kitobxonlik, axborot texnologiyalari, sun’iy intellekt, kasb-hunar va tadbirkorlik yo‘nalishlariga keng jalb etish masalalari muhokama qilindi.

Shuningdek, “Dolzarb 90 kun” dasturi doirasida mahallalar, ta’lim muassasalari, madaniyat va sport maskanlarida ma’naviy-ma’rifiy, sport va intellektual tadbirlarni tashkil etish, iste’dodli yoshlarni qo‘llab-quvvatlash hamda yoshlar o‘rtasida huquqbuzarlik va boshqa salbiy holatlarning oldini olish bo‘yicha vazifalar belgilandi.

Doimiy komissiya tomonidan qaror loyihasi ma’qullanib, unda nazarda tutilgan chora-tadbirlar yoshlarning bo‘sh vaqtini samarali tashkil etish, ijtimoiy faolligini oshirish va har tomonlama qo‘llab-quvvatlashga xizmat qilishi ta’kidlandi. Qaror loyihasini tasdiqlash maqsadga muvofiq deb topildi.