🔵 O‘rganishda xalq deputatlari Farg‘ona viloyati Kengashi kotibiyati mudiri Sh.Karimov, Qo‘shtepa tuman Kengashi kotibiyat mudiri B.Axmadjonov, tuman Kengashi deputatlari, tuman hokimining qurilish masalalari bo‘yicha o‘rinbosari Z.To‘ychiyev hamda mutasaddi tashkilotlar vakillari ishtirok etdi.

🔼 O‘rganish jarayonida Eshonguzar MFY hududida joylashgan 49-sonli umumiy o‘rta ta’lim maktabida amalga oshirilayotgan qurilish ishlari ko‘zdan kechirildi.

🇺🇿 Mazkur o‘rganishlar O‘zbekiston Respublikasi Prezidentining 2025-yil 27-dekabrdagi “2026–2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-393-sonli qarori ijrosi yuzasidan olib borildi.

💬 O‘rganish davomida qurilish-montaj ishlari sifati, ajratilgan mablag‘larning maqsadli sarflanishi, obyektning belgilangan muddatlarda foydalanishga topshirilishi hamda yaratilayotgan sharoitlar yuzasidan atroflicha fikr almashildi. Aniqlangan kamchiliklarni bartaraf etish va ishlar samaradorligini oshirish bo‘yicha mas’ullarga tegishli topshiriqlar berildi.

📌 Ta’lim muassasalarida amalga oshirilayotgan bunyodkorlik ishlari yosh avlod uchun zamonaviy va qulay ta’lim muhitini yaratish, hudud infratuzilmasini yanada rivojlantirish hamda aholiga ko‘rsatilayotgan xizmatlar sifatini oshirishga xizmat qilmoqda.