Xalq deputatlari Parkent tumani Kengashi deputati,doimiy komissiya raisi To‘ychiyev Naimjon Yusupovich tomonidan o‘zi saylangan okrug hududidagi “T.Rizayev” mahalla fuqarolar yig‘inida xotin-qizlar bilan ishlash
yo‘nalishidagi faoliyat deputatlik nazorati doirasida o‘rganildi.O‘rganish davomida mahalla xotin-qizlar faoli N.Rasulova tomonidan xotin-qizlarning ijtimoiy-siyosiy faolligini oshirish,bandligini ta’minlash, ta’lim olishi uchun imkoniyatlar yaratish hamda ijtimoiy himoyaga muhtoj ayollarni qo‘llab-quvvatlash borasida amalga oshirilayotgan ishlar yuzasidan axborot berildi.Ma’lum qilinishicha, 2026-yilda mahallada 80 nafar xotin-qiz “Ayollar daftari”ga kiritilgan. Shundan 2 nafari ijtimoiy reyestrga kiritilib, ularning davolanishi uchun mablag‘ ajratilgan.Deputat tomonidan “Ayollar daftari”ga kiritilgan xotin-qizlarni doimiy daromad manbaiga ega qilish, ajrim yoqasidagi oilalar bilan ishlash, probatsiya nazoratidagi xotin-qizlarning bandligini ta’minlash,shuningdek, tazyiq va zo‘ravonlikdan jabrlangan ayollarni reabilitatsiya qilish bo‘yicha amalga oshirilayotgan ishlar yuzasidan savollar berildi.O‘rganish yakunida oilalarni mustahkamlash,xotin-qizlar bandligini ta’minlash, ularni tadbirkorlikka jalb etish hamda ijtimoiy himoyaga muhtoj ayollarni qo‘llab-quvvatlash borasidagi ishlarni yanada kuchaytirish yuzasidan tegishli tavsiya va takliflar bildirildi.