HUDUDNING ICHKI IMKONIYATLARINI SAFARBAR ETISH VA YANGI IQTISODIY IMKONIYATLARNI YARATISH BO‘YICHA “YO‘L XARITASI” ISHLAB CHIQILDI

🇺🇿 Xalq deputatlari Pastdarg‘om tumani Kengashining 35-sessiyasida O‘zbekiston Respublikasi Prezidentining PF-175-son Farmoni 3-ilovasi 57-bandi ijrosini ta’minlash maqsadida hududning ichki imkoniyatlarini to‘liq safarbar etish, qo‘shilgan qiymat yaratish, turizm, kreativ industriya va agrosanoat salohiyatini rivojlantirishga qaratilgan “Yo‘l xaritasi” ishlab chiqildi.

📊 Yo‘l xaritasida quyidagi ustuvor yo‘nalishlar belgilangan:
💎 Hududning ichki resurslarini safarbar qilish — mahallabay “drayver” loyihalarni aniqlash, xomashyo bazasi, bo‘sh yer va binolarni xatlovdan o‘tkazish, sanoat zonalari faoliyatini jadallashtirish hamda tadbirkorlik subyektlari o‘rtasida kooperatsiya aloqalarini kengaytirish.

💎 Turizm va kreativ industriyani rivojlantirish — ekoturizm va agroturizm yo‘nalishlarini yo‘lga qo‘yish, yoshlar va ijodkorlar uchun “Kreativ makon” markazini tashkil etish, milliy hunarmandchilik va suvenir mahsulotlari klasterini shakllantirish.

💎 Agrosanoat va eksport salohiyatini oshirish — meva-sabzavot mahsulotlarini xalqaro standartlar asosida sertifikatlash, hududiy agrobrend yaratish, zamonaviy saralash, qadoqlash va saqlash quvvatlarini kengaytirish.

💎 Deputatlik nazorati va samaradorlik — har chorak yakunida mas’ul rahbarlarning amalga oshirilgan ishlar, yaratilgan yangi ish o‘rinlari va qo‘shilgan qiymat ko‘rsatkichlari bo‘yicha hisobotlarini Kengash sessiyalarida eshitib borish.

✅ Asosiy maqsad — hududning mavjud imkoniyatlaridan samarali foydalanish, yangi investitsiya loyihalarini amalga oshirish, tadbirkorlikni rivojlantirish, aholi bandligi va daromadlarini oshirish hamda eksport salohiyatini kengaytirish.

📍 Belgilangan chora-tadbirlarning o‘z vaqtida va sifatli bajarilishi ustidan doimiy deputatlik nazorati olib boriladi. 🇺🇿Rasmiy sahifalarimiz! ✔️