Xalq deputatlari Namangan shahar Kengashining 28-Rovuston saylov okrugi deputati Sh. To‘raboyeva tomonidan “Zarbdor” va “Yangi asr” mahalla fuqarolar yig‘inlarida aholi xonadonlari hamda belgilangan joylardan maishiy chiqindilarni olib chiqish holati o‘rganildi.

O‘rganish natijalari mahalla idorasida muhokama qilindi. Unda mahalla yettiligi a’zolari, fuqarolar hamda “Musaffo iqlim” MChJ mas’ullari ishtirok etdilar.

Muhokama davomida mavjud muammolar atroflicha ko‘rib chiqilib, ularni bartaraf etish, chiqindilarni o‘z vaqtida olib chiqish tizimini takomillashtirish hamda xizmat ko‘rsatish sifatini oshirish yuzasidan tegishli chora-tadbirlar belgilab olindi.