Xotin-qizlar tadbirkorligini rivojlantirish bo‘yicha davlat dasturlari natijalari

✅ Bugungi kunda xotin-qizlarning iqtisodiy faolligini oshirish, ularning bandligini ta’minlash va tadbirkorlik tashabbuslarini qo‘llab-quvvatlash mamlakatimizda amalga oshirilayotgan ijtimoiy-iqtisodiy siyosatning muhim yo‘nalishlaridan biriga aylandi.
✅ Ayniqsa, xotin-qizlarga o‘z biznesini boshlash, kasb-hunar egallash, imtiyozli kredit va subsidiyalardan foydalanish imkoniyatlarining kengaytirilayotgani amalda ham o‘z natijasini bermoqda.
Milliy statistika qo‘mitasining ma’lumotlariga ko‘ra, 2025-yil yakunida O‘zbekistonda ayol yakka tartibdagi tadbirkorlar soni 129 578 nafarga yetgan. Bu ko‘rsatkich 2024-yilda 121 324 nafarni tashkil etgan bo‘lib, bir yil ichida 8 254 nafarga yoki qariyb 6,8 foizga oshgan.
✅ Ayollar boshchiligidagi kichik korxona va mikrofirmalar soni ham ortib bormoqda. 2025-yil 1-yanvar holatiga mamlakatimizda tadbirkor ayollar rahbarligidagi 43 860 ta kichik korxona va mikrofirma faoliyat yuritgan. Bu ko‘rsatkich bir yil oldingiga nisbatan 6,3 foizga oshgan. Ularning 17 239 tasi xizmat ko‘rsatish, 17 161 tasi savdo, 5 464 tasi sanoat sohasida faoliyat yuritgan.
✅ Bu raqamlar xotin-qizlarning nafaqat bandligi, balki iqtisodiyotning turli tarmoqlarida mustaqil tadbirkor sifatida faoliyat yuritish imkoniyatlari kengayayotganini ko‘rsatadi.

✅ Davlat dasturlari amalda qanday natija bermoqda?
✅ 2025-yilda xotin-qizlar tadbirkorligini qo‘llab-quvvatlash maqsadida 427 ming nafar xotin-qizga jami 23 trillion 360 milliard so‘m kredit ajratilgan.
✅ Shuningdek, “Oilaviy tadbirkorlik”, “Biznesga birinchi qadam” va “Mahalla loyihasi” dasturlari doirasida 352 ming nafar ayolga 8 trillion 611 milliard so‘m imtiyozli kredit berilgan. Natijada 2025-yil yakunida mamlakatimizda tadbirkor ayollar soni 217 639 nafarga yetgan.
✅ Bundan tashqari, 2025-yilda 331 ming nafar xotin-qiz kasb-hunar va tadbirkorlikka o‘qitilgan, 1,7 million nafar ayol o‘zini o‘zi band qilish faoliyatiga jalb etilgan. Umuman, 2,6 million nafar xotin-qizning daromadli mehnat bilan ta’minlanishiga ko‘maklashilgan.

✅ Surxondaryoda ham natijalar salmoqli
✅ Xotin-qizlar tadbirkorligini rivojlantirish borasidagi ishlar Surxondaryo viloyatida ham izchil davom ettirilmoqda.
✅ Milliy statistika qo‘mitasining ochiq ma’lumotlariga ko‘ra, Surxondaryo viloyatida yakka tartibdagi ayol tadbirkorlar soni 2024-yildagi 7 906 nafardan 2025-yilda 8 009 nafarga yetgan.
✅ Shuningdek, 2025-yil 1-yanvar holatiga viloyatda ayollar rahbarligidagi 2 656 ta kichik korxona va mikrofirma faoliyat yuritgan.
✅ Bu ko‘rsatkichlar hududda xotin-qizlarning tadbirkorlik faoliyatiga qiziqishi va ishtiroki bosqichma-bosqich ortib borayotganidan dalolat beradi.

✅ Yangi imkoniyatlar — yangi tashabbuslar
✅ Davlat dasturlarining yana bir muhim jihati shundaki, xotin-qizlarga faqat kredit ajratish bilan cheklanib qolmasdan, ularni tadbirkorlikka tayyorlash, biznes yuritish ko‘nikmalarini shakllantirish va o‘z loyihalarini amalga oshirishga amaliy ko‘mak berishga e’tibor qaratilmoqda.
✅ Xotin-qizlarning o‘zini o‘zi band qilishi, hunarmandchilik, kasanachilik, xizmat ko‘rsatish, savdo, qishloq xo‘jaligi va ishlab chiqarish yo‘nalishlarida faoliyat yuritishi uchun imkoniyatlar kengaymoqda.
✅ Ayniqsa, mahalla darajasida ish olib borishning kuchaytirilayotgani o‘z samarasini bermoqda. Chunki har bir hududdagi ayollarning ehtiyoji, qiziqishi va imkoniyati turlicha. Kimdir tikuvchilikni, yana biri hunarmandchilikni, boshqasi issiqxona, chorvachilik, xizmat ko‘rsatish yoki savdo yo‘nalishini tanlamoqda.
✅ Shu bois ajratilayotgan kredit va subsidiyalarni aniq loyihalarga yo‘naltirish, tadbirkorlikni boshlagan xotin-qizlarga keyingi bosqichda ham maslahat va amaliy yordam ko‘rsatish muhimdir.