Xalq deputatlari Angor tumani Kengashi 20-Do‘stlik saylov okrugi deputati Qulliyeva Orzigul tomonidan saylovchilar bilan uchrashuv o‘tkazildi.
Uchrashuv davomida aholi o‘rtasida mikronutrient yetishmasligining oldini olish, sog‘lom ovqatlanish va aholi salomatligini muhofaza qilish masalalariga alohida e’tibor qaratildi.

Shuningdek, fuqarolarga “Aholi o‘rtasida mikronutrient yetishmasligi profilaktikasi to‘g‘risida”gi O‘zbekiston Respublikasi Qonuni, O‘RQ-251-son hamda qonunlarining mazmun-mohiyati va ahamiyati tushuntirildi.

Deputat tomonidan aholining huquqiy va tibbiy savodxonligini oshirish, sog‘lom turmush tarzini targ‘ib qilish hamda mikronutrient yetishmasligi bilan bog‘liq holatlarning oldini olish bo‘yicha zarur tavsiyalar berildi.

Uchrashuv yakunida fuqarolarni qiziqtirgan savollarga javoblar berilib, qonunchilikdagi tegishli normalar yuzasidan tushuntirishlar berildi.