Xalq deputatlari Paxtakor tumani Kengashining navbatdagi sessiyasi oldidan Ijtimoiy soha, yoshlar siyosati, madaniyat va sport masalalari bo‘yicha doimiy komissiyaning navbatdagi yig‘ilishi bo‘lib o‘tdi.

Yig‘ilishda sessiya kun tartibiga kiritilgan masalalar, jumladan, tumanda ijtimoiy soha va yoshlar siyosati yo‘nalishida amalga oshirilayotgan ishlar muhokama qilindi.

Masalalar yuzasidan mas’ullarning axborotlari tinglanib, aniqlangan kamchiliklarni bartaraf etish hamda tegishli vazifalarni belgilash bo‘yicha takliflar bildirildi.

Muhokamalar yakunida kun tartibidagi masalalar yuzasidan tegishli qarorlar qabul qilindi.