Xalq deputatlari Qo‘qon shahar Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasi azolari tomonidan O‘zbekiston Respublikasining “Fuqarolar sog‘lig‘ini saqlash to‘g‘risida”gi hamda “Bola huquqlarining kafolatlari to‘g‘risida”gi Qonunlari ijrosi yuzasidan Qo‘qon shahar bolalar stomatologiya poliklinikasida o‘rganish ishlari olib borildi.

O‘rganish davomida mazkur qonunlar talablarining amaliyotdagi ijrosi, bolalarga ko‘rsatilayotgan stomatologik tibbiy xizmatlarning sifati va mavjud shart-sharoitlar, shuningdek, voyaga yetmaganlarning sog‘lig‘ini muhofaza qilish borasida amalga oshirilayotgan ishlar holati ko‘rib chiqildi.

Shuningdek, bolalarga tibbiy xizmat ko‘rsatish jarayoni, bemorlar uchun yaratilgan sharoitlar, tibbiyot xodimlarining faoliyati hamda zarur tibbiy xizmatlardan foydalanish imkoniyatlari yuzasidan tegishli o‘rganishlar olib borildi.

O‘rganish jarayonida mavjud holat va muammolar yuzasidan mas’ullar bilan fikr almashilib, bolalarga ko‘rsatilayotgan tibbiy xizmat sifatini yanada yaxshilash, ularning sog‘lig‘ini muhofaza qilish hamda qonunlarda belgilangan huquq va kafolatlarni ta’minlash bo‘yicha zarur vazifalar belgilab olindi.

Xalq deputatlari Qo‘qon shahar Kengashi