An’anaviy “Yoshlar kuni” munosabati bilan Xalq deputatlari Yunusobod tuman Kengashi deputati, tuman hokimi
Saidaliyev A. hamda tuman rahbarlari ishtirokida 2026-yilda muddatli harbiy xizmatni muvaffaqiyatli yakunlab, o‘z tumaniga qaytgan 56 nafar yoshlar bilan ochiq muloqot tashkil etildi.

🤝Uchrashuvdan ko‘zlangan asosiy maqsad — Vatan oldidagi muqaddas burchini sharaf bilan ado etib qaytgan yoshlarni har tomonlama qo‘llab-quvvatlash, ularning bandligini ta’minlash hamda jamiyatda munosib o‘rin egallashiga ko‘maklashishdan iborat bo‘ldi.

💬Muloqot davomida quyidagi masalalarga alohida e’tibor qaratildi:
💼yoshlarni doimiy ish o‘rinlari bilan ta’minlash;
🛠zamonaviy kasb-hunarlarga yo‘naltirish;
📈tadbirkorlik tashabbuslarini qo‘llab-quvvatlash va biznes loyihalarini rivojlantirish.

🔠Tadbir ochiq va samimiy muloqot ruhida o‘tdi. Ish bilan band bo‘lmagan 17 nafar yoshning murojaat hamda takliflari atroflicha tinglanib, ularni ijobiy hal etish yuzasidan tegishli vazirlik va idoralar mas’ullariga aniq vazifalar yuklatildi. Belgilangan topshiriqlar ijrosi qat’iy nazoratga olindi.

🇺🇿Vatan himoyasidan sharaf bilan qaytgan yoshlarimizni qo‘llab-quvvatlash, ularning bandligini ta’minlash va kelgusidagi hayot yo‘lida munosib o‘rin egallashiga ko‘maklashish borasidagi amaliy ishlar izchil davom ettiriladi.

Bizni kuzatishda davom eting!