Xalıq deputatları Bozataw rayonlıq Keńesiniń 1-sanlı "Palwash ataw" saylaw okruginen saylanǵan deputat, rayonlıq Keńes sekretariatınıń baslıǵı A.Ibragimov hám rayonlıq Xalıq qabıllawxanasınıń qánigesi B.Xabipovtıń qatnasıwında xalıq penen pikirlesiw sistemasın nátiyjeli shólkemlestiriwge qaratılǵan qosımsha ilajlar dodalandı.

Onda Ózbekstan Respublikası Prezidentiniń "Xalıq penen pikirlesiw sistemasın nátiyjeli shólkemlestiriw boyınsha qosımsha ilajlar haqqında"ǵı Pármanı hám Ózbekstan Respublikası Oliy Majlisi Senatı Kengashiniń 2026-jıl 22-iyundegi KQ-360-V-sanlı qararı menen tastıyıqlanǵan Xalıq deputatları wálayatlıq, rayonlıq hám qalalıq Keńesleriniń sessiyalarında Xalıq qabıllawxanalarınıń málimlemelerin, hákimler jáne aymaqlıq mámleketlik uyımlar hám shólkemler basshılarınıń xalıq múrájatları menen islesiw boyınsha esabatların tıńlawdıń úlgi tártibiniń mazmun-mánisi keńnen dodalandı.
Sonday-aq, puqaralardıń múrájatların óz waqtında hám sapalı kórip shıǵıw, xalıq penen ashıqtan-ashıq sóylesiwdi jolǵa qoyıw jáne múrájatlarda kóterilgen mashqalalardı sistemalı sheshiw boyınsha tiykarǵı wazıypalar belgilep alındı.