Yurtimizda 7 iyul kuni I Xalqaro Islom sivilizatsiyasi forumining boshlangani mamlakatimiz hayotidagi muhim ma’naviy-ma’rifiy voqealardan biri bo‘ldi. Toshkent, Samarqand va Termiz shaharlarida o‘tkazilayotgan mazkur nufuzli anjuman milliy va islomiy merosimizni xalqaro miqyosda keng targ‘ib qilish, ilmiy tadqiqotlarni yangi bosqichga olib chiqish hamda xorijiy olimlar bilan hamkorlikni mustahkamlashga xizmat qiladi.
🤩Yurtimiz azaldan buyuk allomalar, mutafakkirlar va ilm-fan namoyandalarini yetishtirgan muqaddas zamin hisoblanadi. Bugungi kunda ularning boy ilmiy va ma’naviy merosini chuqur o‘rganish, zamonaviy yondashuvlar asosida tadqiq etish hamda kelajak avlodga yetkazish davlat siyosati darajasida e’tibor qaratilayotgani barchamizni quvontiradi.
🤩Mazkur forum mamlakatimizning ochiqlik siyosati, millatlararo totuvlik, diniy bag‘rikenglik va ma’naviy taraqqiyot sohasidagi islohotlarini xalqaro jamoatchilikka namoyon etadi. Shu bilan birga, ilm-fan va madaniyat sohasida yangi hamkorlik aloqalarini rivojlantirish uchun mustahkam poydevor yaratadi.
🤩Ishonchim komilki, ushbu xalqaro forum yurtimizning boy madaniy-ma’rifiy merosini yanada keng targ‘ib qilish, yoshlarda milliy qadriyatlarga hurmat va vatanparvarlik tuyg‘ularini mustahkamlashga munosib hissa qo‘shadi.