Navoiy shahrida ijtimoiy himoya yo‘nalishida keng qamrovli ishlar amalga oshirilmoqda

Xalq deputatlari Navoiy shahar Kengashi kotibiyat mudiri Jo‘rabek Hafizov Navoiy shahridagi Binokor mahallasida bo‘lib, ijtimoiy xodim Qo‘chqorova Nafisaning ish faoliyati bilan yaqindan tanishdi.2026 yilning birinchi choragi davomida mahallada ijtimoiy himoya tizimi doirasida keng qamrovli ishlar amalga oshirildi. Jumladan, kam ta’minlangan oilalar, nogironligi bo‘lgan shaxslar hamda ularning oila a’zolarining ijtimoiy holati va yashash sharoiti muntazam o‘rganib borildi.

Yilning dastlabki uch oyi davomida quyidagi natijalar qayd etildi:7 nafar fuqaroga reabilitatsiya qilishning texnik vositalari berildi;5 nafar o‘zgalar parvarishiga muhtoj shaxslar tibbiy ko‘rikdan o‘tkazilib, bepul dori-darmon va oziq-ovqat mahsulotlari bilan ta’minlandi, shuningdek madaniy tadbirlarga jalb qilinib, uylarida sanitariya-tozalash ishlari amalga oshirildi;5 nafar fuqaro Ijtimoiy himoya milliy agentligi tizimidagi reabilitatsiya markazlarida sog‘lomlashtirildi;11 nafar fuqarodan bolalar nafaqasi hamda moddiy yordam uchun arizalar qabul qilinib, ulardan 9 nafariga bolalar nafaqasi tayinlandi;21 nafar fuqaro “Ijtimoiy himoya yagona reyestri”ga kiritilib, ularning yashash sharoiti o‘rganildi.

Shuningdek, ijtimoiy qo‘llab-quvvatlash doirasida muhim ishlar amalga oshirildi:
31 nafar fuqaroga Ramazon oyi munosabati bilan bir martalik moddiy yordam ko‘rsatildi;
19 nafar vasiylikka olingan bolalarning yashash sharoiti monitoring qilindi;
2 nafar fuqaroga vasiylik, 1 nafar bolaga esa homiylik belgilandi;
3 nafar fuqaro reyestrga kiritilib, ularga qarab turuvchi shaxslar biriktirildi;
2 nafar fuqaroga yakka-yolg‘iz kompensatsiyasi tayinlandi;
4 nafar nogironligi bo‘lgan shaxs ishga joylashtirildi;
3 nafar nogironligi bo‘lgan shaxsga huquqiy, 2 nafar fuqaroga esa psixologik xizmat ko‘rsatildi;
3 nafar fuqaroga nogironlik belgilandi;
2 nafar nogironligi bo‘lgan bola adaptiv sport to‘garaklariga jalb etildi;
7 nafar fuqaroga oziq-ovqat uchun vaucherlar shakllantirildi.

Bundan tashqari, ijtimoiy himoyaga muhtoj aholi qatlamini qo‘llab-quvvatlash doirasida qator amaliy ishlar davom etmoqda. Xususan, nogironligi bo‘lgan shaxslar va bolalarning ta’limga jalb qilinishi, reabilitatsiya texnik vositalari va protez-ortopediya mahsulotlariga ehtiyojlari, shuningdek ularni parasportga yo‘naltirish masalalari doimiy nazoratga olingan.

Ijtimoiy himoya sohasidagi bunday tizimli ishlar aholi farovonligini oshirish va ehtiyojmand qatlamni har tomonlama qo‘llab-quvvatlashga xizmat qilmoqda.