Xalq deputatlari Bekobod shahar kengashi kotibiyati mudiri X.Ibragimova, shahar Kengashi deputatlari O‘zLiDeP a’zosi N.Uralova va O‘zXDP a’zosi U.Abdunazarov Bekobod shahar Maktabgacha va maktab ta’limi bo‘limiga qarashli “Kelajak" markazi binosida olib borilayotgan ta’mirlash va obodonlashtirish ishlari bilan tanishildi. O‘zbekiston Respublikasi Vazirlar Mahkamasining 2025-yil 10-dekabrdagi “Kelajak” markazlari faoliyatini tartibga solishga qaratilgan ayrim normativ-huquqiy hujjatlarni tasdiqlash to‘g‘risida”gi 776-sonli qarori asosida maktabgacha va maktab ta’limi sohasidagi maktabdan tashqari ta’lim tizimini yanada takomillashtirish, ularni zamonaviy yondashuvlar asosida rivojlantirish orqali bolalarning bo‘sh vaqtlarini mazmunli va samarali tashkil etish maqasadida tashkil etilgan. Bugungi kunda mazkur markazda 25 ta to‘garak faoliyat yuritib, 782 nafar o‘quvchilar qamrab olingan. Bino atrofidagi eski ko‘rinishdagi nurab qolgan devorlar olib tashlanib, zamonaviy qiyofadagi temir panjaralar, piyodalar yo‘lakchasi barpo etilmoqda, shuningdek, obodonlashtirilib, turli xil gullar ekilmoqda. Tanishuv jarayonida tegishli tavsiya va maslahatlar berildi.