AHOLI MUAMMOLARI — E’TIBOR MARKAZIDA

Xalq bilan muloqot – muammolar yechimiga yetaklovchi muhim omillardan biridir. Shu maqsadda Xalq deputatlari Navoiy shahar Kengashi deputati Irgasheva Nilufar Uralovna Navoiy shahar Tinchlik mahalla fuqarolar yig‘ini hududida joylashgan yotoqxonalarda istiqomat qilayotgan fuqarolar bilan uchrashuv o‘tkazdi.

Uchrashuv davomida aholi tomonidan ko‘tarilgan dolzarb masalalar, ijtimoiy-iqtisodiy muammolar va kundalik hayotda uchrayotgan qiyinchiliklar atroflicha o‘rganildi. Fuqarolar o‘zlarini qiynayotgan masalalar yuzasidan taklif va murojaatlarini bildirib, ularni hal etish bo‘yicha amaliy yordam kutayotganliklarini ta’kidladilar.

Deputat tomonidan har bir murojaat e’tibor bilan tinglanib, tegishli tashkilotlar bilan hamkorlikda ularni bosqichma-bosqich hal etish choralari ko‘rilishi qayd etildi. Shuningdek, aholiga huquqiy tushunchalar berilib, mavjud imkoniyatlar va davlat tomonidan yaratilayotgan sharoitlar haqida ma’lumotlar taqdim etildi.

Bunday ochiq muloqotlar aholining muammolarini joyida o‘rganish, ularga tezkor va samarali yechim topishda muhim ahamiyat kasb etadi. Uchrashuv samimiy ruhda o‘tib, fuqarolarda ertangi kunga bo‘lgan ishonchni yanada mustahkamladi.