O‘zbekiston Respublikasi Prezidentining 2023 yil 21 dekabrdagi PF-209-son Farmoni hamda PQ-402-son qarorida belgilangan vazifalar ijrosini ta’minlash, mahalla institutining jamiyatdagi nufuzini oshirish va aholi muammolarini bevosita joyida hal etish maqsadida, Xalq deputatlari shahar Kengashi raisi P.Ro‘ziboyev hamda deputat F.Rahmanov shahardagi «Beshmergan» mahallasida bo‘ldilar. Ular tomonidan mahalladagi ehtiyojmand oilalardan birining xonadonida hashar uyushtirilib, obodonlashtirish ishlari amalga oshirildi.

Hashar davomida deputatlar va mahalla faollari tomonidan xonadon atrofi tartibga keltirildi, tomorqa yerlarida mehnat qilish uchun qulay sharoitlar yaratildi. Tadbirning asosiy maqsadi faqatgina jismoniy ko‘mak berish emas, balki oilaning ijtimoiy-iqtisodiy ahvolini yaqindan o‘rganish bo‘ldi. 

Xalq deputatlari shahar Kengashi deputatlarining bu kabi tashabbuslaridan ko‘zlangan asosiy maqsad mahalliy davlat hokimiyatining ijro hamda vakillik organlariga bo‘lgan ishonchni mustahkamlashga xizmat qiladi. Mazkur hashar ishlari faqat bir martalik aksiya bo‘lib qolmay, balki «Beshmergan» mahallasidagi ijtimoiy himoyaga muhtoj oilalarni doimiy nazoratga olish va ularni qo‘llab-quvvatlashni tizimli davom
ettirishga zamin yaratdi.