Mahallalarda aholi uchun qulay va munosib sharoitlar yaratish, infratuzilmani yaxshilash bo‘yicha amaliy ishlar izchil davom ettirilmoqda.

Xalq deputatlari Andijon shahar Kengashi deputati Avazbek Appaqov o‘z saylov okrugidagi “O‘zbekiston” MFYda ichimlik suvi tarmog‘ini tortish bo‘yicha olib borilayotgan ishlar bilan tanishdi.

Tashrif davomida ichimlik suvi tarmog‘ini tortish jarayoni, ishlarning borishi hamda aholining sifatli ichimlik suvi bilan ta’minlanishini yaxshilash masalalariga e’tibor qaratildi.

Deputat tomonidan amalga oshirilayotgan ishlarning sifatli va belgilangan tartibda olib borilishi, aholi uchun qulaylik yaratishga qaratilgan chora-tadbirlarning samaradorligini ta’minlash yuzasidan mas’ullar bilan fikr almashildi.

Aholi murojaatlari va hududdagi dolzarb masalalarni o‘rganish, ularning yechimiga amaliy ko‘mak ko‘rsatish deputatlik faoliyatining muhim yo‘nalishlaridan biridir.