Sessiya kun tartibidagi masala yuzasidan hududlarda o‘rganish olib borilmoqda

Xalq deputatlari Pastdarg‘om tumani Kengashi deputati Shukurov O'tkir Normamatovich Kengashning navbatdagi sessiyasi kun tartibiga kiritilgan “O‘zbekiston–2030” strategiyasining suv resurslaridan oqilona foydalanish yo‘nalishi bo‘yicha amalga oshirilgan ishlar hamda tumanda suv tejovchi sug‘orish texnologiyalarini joriy etish holati to‘g‘risida”gi masala yuzasidan joylarda o‘rganish ishlarini olib bordi.

Deputat Boldir MFY, Xo‘ja qishlog‘ida bo‘lib, hududdagi sug‘orish tizimi, suv resurslaridan foydalanish holati hamda mavjud muammolarni o‘rgandi.

O‘rganish davomida deputat Achchiq ariq orqali amalga oshirilayotgan sug‘orish ishlari yuzasidan ko‘chaboshi R.Abdullayev bilan suhbatlashib, aholi ehtiyojlari, suv ta’minoti jarayonlari va suvdan oqilona foydalanish masalalariga e’tibor qaratdi.

Suhbat davomida bildirilgan taklif va muammolar qayd etilib, hal etish bo‘yicha tegishli choralar ko‘rish belgilandi.