Ўрганиш жараёнида ёшлар етакчиси томонидан маҳалладаги ёшларнинг муаммоларини аниқлаш ва уларни ҳал этиш, ёшлар бандлигини таъминлаш, касб-ҳунарга йўналтириш, тадбиркорликка жалб қилиш ҳамда бўш вақтларини мазмунли ташкил этиш борасида амалга оширилаётган ишлар таҳлил қилинди.

Шунингдек, “Ёшлар дафтари” билан ишлаш ҳолати, ижтимоий ҳимояга муҳтож ёшларни қўллаб-қувватлаш, уларнинг таълим олиши, иш билан таъминланиши ва турли танлов ҳамда лойиҳаларда иштирокини таъминлаш юзасидан олиб борилаётган ишлар кўздан кечирилди.

Ўрганиш давомида ёшлар билан манзилли ишлаш самарадорлиги, мурожаатлар ижроси ҳамда белгиланган вазифаларнинг бажарилиш ҳолати муҳокама қилиниб, мавжуд камчиликларни бартараф этиш ва иш самарадорлигини янада ошириш бўйича тегишли тавсиялар берилди.