Tadbir davomida Oliy Majlis Qonunchilik palatasi deputati Abdulhakim Eshboyev, Xalq deputatlari Oltinsoy tumani Kengashi raisi A. Turdiyev hamda tuman Kengashi kotibiyatining bosh mutaxassislari tomonidan mahallada joylashgan tuman Tibbiyot birlashmasiga qarashli Oilaviy poliklinika faoliyati o‘rganildi. 

O‘rganish jarayonida aholiga ko‘rsatilayotgan birlamchi tibbiy xizmatlar sifati, tibbiyot muassasasining moddiy-texnik ta’minoti, dori vositalari bilan ta’minlanganlik holati hamda fuqarolarga qulay va sifatli tibbiy xizmat
ko‘rsatish borasida amalga oshirilayotgan ishlar deputatlik nazorati tartibida tahlil qilindi. 

O‘rganish yakunlari bo‘yicha aniqlangan masalalar yuzasidan tegishli taklif va tavsiyalar ishlab chiqilib, mavjud kamchiliklarni bartaraf etish hamda belgilangan vazifalarning o‘z vaqtida va sifatli ijrosini ta’minlash bo‘yicha mas’ullarga tegishli ko‘rsatmalar berildi.