Tuman hokimligi majlislar zalida xalq deputatlari Muzrabot tumani Kengashining yigirma uchinchi sessiyasi bo‘lib o‘tdi.

Sessiyada xalq deputatlari tuman Kengashi deputatlari, tuman hokimi va uning o‘rinbosarlari, ijro organlari, jamoat tashkilotlari hamda ommaviy axborot vositalari vakillari, shuningdek, kun tartibidagi masalalarga aloqador tashkilot va korxonalar rahbarlari ishtirok etdi.

Sessiyani xalq deputatlari Muzrabot tumani Kengashi raisi Nurmahmatov Sayidali Mahmatqulovich olib bordi.

Kun tartibiga kiritilgan tuman ijtimoiy-iqtisodiy va siyosiy hayotiga oid 9 ta muhim masala deputatlar tomonidan atroflicha muhokama qilindi. Masalalar yuzasidan mas’ul rahbarlarning axborot va hisobotlari tinglanib, deputatlar tomonidan qator savollar berildi, taklif va mulohazalar bildirildi.

Muhokamalar davomida deputatlarning sessiya materiallarini puxta o‘rganib, har bir masalaga mas’uliyat bilan yondashayotgani, nazorat va tahlilga asoslangan fikr-mulohazalar bildirgani alohida e’tiborga sazovor bo‘ldi. Bu esa mahalliy vakillik organlari faoliyatida ochiqlik, shaffoflik va mas’uliyat tamoyillari izchil qaror topayotganining amaliy ifodasidir.

Sessiya yakunida kun tartibidagi barcha masalalar yuzasidan xalq deputatlari Muzrabot tumani Kengashining tegishli qarorlari qabul qilinib, ularning ijrosini ta’minlash yuzasidan mas’ul tashkilot va mutasaddilarga tegishli vazifalar belgilab berildi.

Shuningdek, sessiya jarayonlari “Facebook” ijtimoiy tarmog‘i orqali to‘g‘ridan to‘g‘ri efirda namoyish etildi.