#Kengash_faoliyati

Xalq deputatlari tuman va shahar Kengashlari raislari hamda kotibiyat mudirlari ishtirokida 2026-yilning dastlabki 5 oyi davomida amalga oshirilgan ishlar yakunlariga bag‘ishlangan yig‘ilish bo‘lib o‘tdi.

Yig‘ilishni Xalq deputatlari Toshkent viloyati Kengashi raisi S.Fayziyeva olib bordi. Unda mahalliy Kengashlar faoliyatining samaradorligini oshirish, deputatlik nazorati mexanizmlarini kuchaytirish, aholi murojaatlari bilan ishlash, hududlarda mavjud muammolarni aniqlash va ularni hal etish bo‘yicha amalga oshirilgan ishlar tahlil qilindi.

Shuningdek, tuman va shahar Kengashlari tomonidan 2026-yilning o‘tgan davrida qabul qilingan qarorlar ijrosi, doimiy komissiyalar faoliyati, deputatlik so‘rovlari natijadorligi hamda hududlarni ijtimoiy-iqtisodiy rivojlantirishga qaratilgan tashabbuslarning amalga oshirilish holati muhokama etildi.

Yig‘ilish davomida erishilgan natijalar bilan bir qatorda faoliyatda uchrayotgan ayrim kamchilik va muammolar ham tanqidiy-tahliliy ruhda ko‘rib chiqildi. Kelgusida mahalliy Kengashlar ishini yanada takomillashtirish, deputatlarning hududlardagi faolligini oshirish hamda aholi manfaatlarini ta’minlashga qaratilgan ustuvor vazifalar belgilab olindi.

Yakunda mas’ullarga tegishli topshiriqlar berilib, belgilangan vazifalarning ijrosini o‘z vaqtida va sifatli ta’minlash yuzasidan zarur ko‘rsatmalar berildi.

📱 Telegram 📱 Instagram 📱 Facebook