Xalq deputatlari Nurobod tumani Kengashi deputati D.Xushvaqtov tumandagi Boshquduq mahallasida mahalla yettiligi hamda mahalladagi nuroniylar bilan uchrashuv o‘tkazdi.

✅Uchrashuv davomida mahalla aholisini qiynab kelayotgan ijtimoiy-iqtisodiy masalalar, infratuzilma holati, aholini ijtimoiy qo‘llab-quvvatlash, kommunal xizmatlar sifati hamda fuqarolar tomonidan bildirilgan taklif va muammolar yuzasidan atroflicha fikr almashildi. Fuqarolar tomonidan ko‘tarilgan masalalar tinglanib, ularning yechimi bo‘yicha tegishli tavsiya va takliflar bildirildi.

⚡️ Shuningdek, deputat tomonidan mahallada O‘zbekiston Respublikasining 2016-yil 26-dekabrda qabul qilingan “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘RQ-415-son Qonuni ijrosi yuzasidan o‘rganish ishlari olib borildi.

✏️O‘rganish jarayonida keksalar, nogironligi bo‘lgan shaxslar hamda ijtimoiy himoyaga muhtoj fuqarolarga ko‘rsatilayotgan ijtimoiy xizmatlar sifati, ularga yaratilgan shart-sharoitlar, davlat tomonidan berilayotgan imtiyoz va yordamlarning manzilliligi, shuningdek, ijtimoiy xizmatlardan foydalanish holati atroflicha tahlil qilindi.

💬Bundan tashqari, mahallada yolg‘iz keksalar, nogironligi bo‘lgan shaxslar va ijtimoiy ehtiyojmand oilalarning muammolari o‘rganilib, ularni hal etish, zarur ijtimoiy xizmatlar bilan qamrab olish va qonunda belgilangan kafolatlarning to‘liq ta’minlanishi yuzasidan mas’ul tashkilotlar bilan hamkorlikda tegishli choralarni ko‘rish bo‘yicha tavsiyalar berildi.

📍Uchrashuv yakunida fuqarolar tomonidan bildirilgan murojaat va takliflar nazoratga olinib, ularning ijobiy yechim topishini ta’minlash, ijtimoiy himoyaga muhtoj aholi qatlamini qo‘llab-quvvatlash hamda qonun hujjatlari ijrosini ta’minlash borasidagi ishlarni yanada kuchaytirish yuzasidan tegishli vazifalar belgilab olindi.

✅Xalq deputatlari Nurobod tumani Kengashi deputatlari tomonidan joylarda aholi bilan ochiq muloqot o‘tkazish, ijtimoiy himoyaga muhtoj fuqarolarning muammolarini o‘rganish hamda amaldagi qonun hujjatlari ijrosi ustidan deputatlik nazoratini amalga oshirish ishlari izchil davom ettirilmoqda.