Deputat o‘rganishlari: xizmatlar sifatini oshirishga e’tibor.

Xalq deputatlari Kattaqo‘rg‘on shahar Kengashining 4-Abdulxamid Majidiy saylov okrugidan saylangan deputati N.Xakimov tomonidan Davlat xizmatlari markazi faoliyati o‘rganildi.

O‘rganish jarayonida aholiga ko‘rsatilayotgan davlat xizmatlari sifati, tizimda yaratilgan qulay shart-sharoitlar hamda ish jarayoni bilan yaqindan tanishildi.

Ayniqsa, korrupsiya holatlarining oldini olish, xizmat ko‘rsatishda shaffoflikni ta’minlash va fuqarolarga ko‘rsatilayotgan xizmatlar sifatini yanada oshirishga qaratilgan ishlar atroflicha tahlil qilindi.

Shuningdek, fuqarolar bilan ochiq muloqot o‘tkazilib, ularning davlat xizmatlaridan foydalanish jarayonidagi fikr-mulohazalari va takliflari tinglandi.

Deputat tomonidan xizmat ko‘rsatishda ochiqlik, adolat va samaradorlik tamoyillarini mustahkamlash yuzasidan tegishli tavsiyalar berildi. Bu kabi o‘rganishlar hududlarda aholiga ko‘rsatilayotgan davlat xizmatlari sifatini yangi bosqichga olib chiqishga xizmat qilmoqda.