Xalq deputatlari Bag‘dod tumani Kengashi deputati I.Ahmedov hamda tuman Kengash kotibiyati mudiri G‘.Abdullayev ishtirokida Muruvvat mahalla fuqarolar yig‘inida “mahalla yettiligi” a’zolari bilan uchrashuv tashkil etildi.

Uchrashuv davomida hududdagi ijtimoiy-iqtisodiy holat, aholini qiynayotgan muammolar, bandlikni ta’minlash, kambag‘allikni qisqartirish, yoshlar va xotin-qizlar bilan ishlash masalalari muhokama qilindi hamda bir qator tadbirkorlar bilan kredit olish masalasida uchrashilib, murojaatlar ijobiy hal etildi.

Shuningdek, hududdagi muammolar va ijtimoiy soha obyektlari joyiga chiqib o‘rganildi. Xususan, 43-umumiy o‘rta ta’lim maktabining sport zalida amalga oshirilayotgan ta’mirlash ishlari ko‘zdan kechirildi. 28-sonli Davlat maktabgacha ta’lim tashkiloti o‘rganilganda issiq suv masalasida muammolar borligi aniqlandi. Bog‘cha mudiri bilan suhbatlashilganda elektr ta’minoti yaxshi emasligi sababli, tuman elektr tarmoqlari korxonasiga qarashli TP 6310 elektr uzatgichdan yangi tarmoq tortish taklifini bildirdi. Ushbu masalalarni hal etilishi yuzasidan deputatlik nazorati o‘rnatildi.