Xalq deputatlari Bekobod tumani Kengashi deputati, kotibiyat mudiri Q. Bobojonov hamda kotibiyat bosh mutaxassisi A. Utegenov Parchayuz mahallasida jinoyatchilikning oldini olish, huquqbuzarliklarni kamaytirish va aholi xavfsizligini ta’minlash borasida amalga oshirilayotgan ishlar bilan yaqindan tanishdilar.

O‘rganish jarayonida, ayniqsa, “qizil” va “sariq” toifadagi hududlarda jinoyatchilikni bartaraf etish, muammoli nuqtalarni aniqlash hamda profilaktik tadbirlar samaradorligini oshirish masalalariga alohida e’tibor qaratildi.

Mahallada tinchlik va osoyishtalikni mustahkamlash, fuqarolarning huquqiy madaniyatini yuksaltirish hamda jinoyatchilikka qarshi kurashish bo‘yicha mas’ul tashkilotlar bilan hamkorlikdagi ishlarni yanada kuchaytirish yuzasidan tegishli tavsiyalar berildi.

Tinch va xavfsiz mahalla — farovon hayot garovi!