Xalq deputatlari Termiz shahar Kengashi deputati X.Xolmuminov uchinchi sektor hududiga kiruvchi “Navro‘z” mahallasida bo‘lib, mahalladagi ikki muhim mas’ul — hokim yordamchisi va yoshlar yetakchisining ish faoliyati bilan yaqindan tanishdi.

💬 Tadbir davomida mahalla hayoti va osoyishtaligida tayanch bo‘g‘in hisoblangan ushbu mas’ullarning faoliyati mahalliy Kengash deputatlari uchun belgilangan “24 ta eng muhim yo‘nalish” doirasida atroflicha ko‘rib chiqildi.

Xususan:
🟢Hokim yordamchisi faoliyati bo‘yicha: Mahallada tadbirkorlikni rivojlantirish, aholini kasb-hunarga yo‘naltirish, "Ayollar" va "Yoshlar" daftarlaridagi fuqarolarga imtiyozli kredit hamda subsidiyalar ajratilishining manzilliligi tahlil qilindi.
🟢Yoshlar yetakchisi faoliyati bo‘yicha: Yoshlarning bo‘sh vaqtini mazmunli tashkil etish, ularni sport va madaniyat to‘garaklariga jalb qilish, ishsiz yoshlar bandligini ta’minlash hamda "Beshta muhim tashabbus" doirasida amalga oshirilayotgan ishlar holati o‘rganildi.

💬 Deputat o‘rganish davomida erishilgan natijalar bilan bir qatorda, ish samaradorligini yanada oshirishga to‘sqinlik qilayotgan omillarga to‘xtalib o‘tdi. Faoliyatni tizimli tashkil etish, aholi murojaatlari bilan ishlashda rasmiyatchilikka yo‘l qo‘ymaslik hamda "yettilik" tizimida hamkorlikni kuchaytirish bo‘yicha aniq tavsiyalar berdi.