Xalq deputatlari Arnasoy tuman Kengashi deputati I. Abloqulov tomonidan o‘z saylov okrugidagi Cho‘lquvar mahalla fuqarolar yig‘inida joylashgan 6-sonli umumta’lim maktabida barpo etilayotgan sport zalining qurilish ishlari joyiga chiqqan holda o‘rganildi.

O‘rganish davomida qurilish maydonidagi mavjud holat, amalga oshirilayotgan ishlar jarayoni hamda sport inshootining barpo etilishi bilan bog‘liq masalalar bevosita joyida ko‘zdan kechirildi. Bunda qurilish ishlarining borishi bilan tanishish va maktab uchun mo‘ljallangan mazkur inshootning ahamiyatiga alohida e’tibor qaratildi.

 Zamonaviy sport inshootlarining barpo etilishi ta’lim muassasalarida jismoniy tarbiya mashg‘ulotlarini samarali tashkil etish, o‘quvchilarning sportga bo‘lgan qiziqishini oshirish hamda ularning jismoniy salomatligini mustahkamlash uchun muhim shart-sharoit yaratadi.