DEPUTATLIK NAZORATI: TADBIRKORLIK FAOLIYATI O‘RGANILDI

📍 Xalq deputatlari Boysun tumani Kengashining 23-Darband saylov okrugi deputati Mahamadinova Sayohat Sobirovna o‘z saylov okrugidagi Darband mahallasida faoliyat olib borayotgan hokim yordamchisining ish faoliyatini o‘rgandi.

📋 O‘rganish davomida savolnoma asosida O‘zbekiston Respublikasining 2012-yil 2-maydagi O‘RQ-328-sonli «Tadbirkorlik faoliyati erkinligining kafolatlari to‘g‘risida»gi Qonuni ijrosini ta’minlash yuzasidan amalga oshirilgan ishlar ko‘rib chiqildi.

🔎 Jumladan, mahallada tadbirkorlikni rivojlantirish, tadbirkorlik subyektlarini qo‘llab-quvvatlash hamda aholi bandligini ta’minlash yo‘nalishlaridagi ishlarga e’tibor qaratildi.

🤝 Mazkur o‘rganishdan maqsad — qonunchilik ijrosini tahlil qilish, mavjud masalalarni aniqlash va mahallada tadbirkorlik faoliyatini rivojlantirishga qaratilgan ishlarni takomillashtirishdan iborat.